Romeo Beckham dhe Mia Regan i kanë dhënë fund lidhjes së tyre tre vjeçare, dhe kjo për shkak të distancës.
Romeo, 19 vjeç, ka fshirë çdo gjurmë të Mia-s nga llogaria e tij në Instagram. Postimi i fundit i modeles me bazë në Londër ku dukej me ish të dashurin e saj daton dy muaj më parë, kur ata festuan tre vjetorin e tyre më 3 maj.
Burimet kanë konfirmuar që atëherë për “MailOnline” se çifti u ndanë për shkak të presionit të pashmangshëm të shkaktuar nga oraret e tyre kontradiktore të punës, me Romeon që kalonte pjesën më të madhe të kohës në Shtetet e Bashkuara ndërsa ndjek hapat e babait në futboll.
Një burim i tha MailOnline: “Në thelb, marrëdhënia në distancë në moshat e tyre të reja është e vështirë. Romeo dhe Mia janë të dy të rinj që e duan shumë njëri-tjetrin dhe familja Beckham e do Mian. Ajo po vazhdon të bashkëpunojë me Victoria Beckham përmes punës së saj, por fatkeqësisht Romeo dhe Mia nuk janë më bashkë”.
Romeo aktualisht është duke luajtur si mesfushor me Inter Miami II me bazë në Florida – klubi ku babai i tij David Beckham është bashkëpronar – ndërsa Mia është kryesisht me qendër në Londër.
Burimi shtoi: “Ai është fokusuar në karrierën e tij dhe jeton në Miami dhe ajo është në Britani të Madhe, duke punuar në karrierën e saj të modelimit dhe influencës. Janë miq. Dyshja ende mbështesin njëri-tjetrin në karrierën e tyre përkatëse dhe ajo së fundmi komentoi kur ai shënoi për klubin e tij.”
Në maj, Romeo dhe Mia festuan tre vjetorin e tyre së bashku me një darkë romantike. Dyshja shiheshin të lumtur së bashku.
