Të qenit personazh i njohur sjell edhe rreziqe, pasi ka fansa që kalojnë çdo kufi dhe madje thyejnë barrierat e privatësisë.
Kështu ndodhi me David Beckham. Në muajin mars të këtij viti, u publikua lajmi se ish-ylli i Manchester Unitedit po përballej me një betejë ligjore kundër Sharon Bell, një grua 58 vjeçare e cila është akuzuar për ngacmimin e legjendës së Anglisë dhe vajzës së tij më të vogël, Harper Seven.
Pavarësisht se u akuzua, Sharon nuk është përballur me një gjyq penal, sepse vuan nga probleme të shëndetit mendor.
Sipas “Daily Mail”, ajo ka mundur të paraqitet me video-konferencë në Gjykatën e Kurorës së Westminsterit. Bell besonte se ishte në një lidhje me Beckham dhe se ish-lojtari dhe gruaja e tij, Victoria, i kanë borxh para. Ajo madje pretendoi se Harper ishte vajza e saj.
Bëhet me dije se Beckham ka marrë tre letra nga e akuzuara. David ka thënë se nuk e njihte Sharonin dhe se ndihej i kërcënuar.
“Ndjeva sikur gjuha në letër po përshkallëzohej dhe po bëhej më emocionale dhe kërcënuese për mua dhe familjen time dhe kjo më shqetësoi”. Shkronjat po bëheshin gjithnjë e më kërcënuese dhe padyshim se ajo femër e dinte se ku jetoja”,-është shprehur ai.
Gjatë gjyqit , u lexuan 2 nga letrat që Beckham mori nga Bell: Në letrën e parë, Sharon i shpreh ndjenjat e saj ish-futbollistit madje i tregon se e ka gjetur adresën e tij.
“E kam marrë adresën tuaj nga një agjenci detektivësh, shpresoj të mos keni problem. Kam ndjenja për ty, David. Victoria më ka borxh disa para, David, pasi ajo tha se e ka vjedhur llogarinë time bankare prej vitesh, gjë që nuk është e mirë. Unë do ta vlerësoja nëse ajo nuk do të ishte aty. Unë thjesht dua të flas me ty. Ma ke borxh këtë, David.
P.S. Do të doja të isha me ty kur të bësh trurin operacion dhe të vendosësh disa qeliza të reja të trurit.Miku jot Tom Cruise më ka mërzitur vërtet, David.”
Por, nuk mabron me kaq. Bell, e cila pretendonte se ishte e dashuruar me David Beckham që në fëmijëri, dërgoi një letër tjetër për të kërkuar lejen e Beckham për të shkuar në shtëpinë e tij për një bisedë.
“Të lutem të jesh aty, përndryshe dikush do të shkojë te mediat dhe do të thotë që të dy keni numrat e mi të xhirollogarisë. Tani kjo nuk do të dukej mirë, pasi ju keni një OBE (Urdhri i Perandorisë Britanike). Ti më ke thënë se nëse të shkruaj fillimisht dhe jam e paarmatosur (që do të jem), atëherë mund të vij për një bisedë dhe një çaj (Earl Grey është çaji im i preferuar). Me të vërtetë dua të bisedoj me ty, kështu që të lutem, a mund të vij për një bisedë.”
