Bora Zemani ka konfirmuar ditën e sotme përmes një video të publikuar në Instagram se do moderojë ‘Dancing With the stars’. Ajo është shprehur se e pret një rrugëtim i ri, teksa ka pyetur dhe ndjekësit nëse janë gati të zbulojnë dhe të ndjekin të preferuarin e tij në ‘arenën e kërcimit’.
“Një rrugëtim i ri për mua në @topchannelalbania. A jeni gati te shihni personazhet tuaj të preferuar në arenën e kërcimit? Shihemi së shpejti!! Muzikë të lutem ????,“-shkruan Bora.
Pjesëmarrja e Borës si moderatore në këtë format ka shtuar edhe më shumë interes, duke ditur se përballë do të jetë edhe Donald Veshaj. Njerëzit po presin se çfarë do thotë çifti, që tashmë janë ribashkuar.
Po ashtu Valbona Selimllari do jetë pjesë e jurisë, disa vite pasi ka qenë pjesë e ‘Dance with me’. Ndërkohë kanë nisur të përfliten edhe emrat e parë të konkurrentëve të tjerë të “Dancing with the stars”, ku veç Donaldit, pritet të jetë edhe Ardit Çuni, Vlashent Sata, Ronela Hajati, Beniada Nishani. Ndërkohë është konfirmuar tashmë kalimi i Ori Nebiajt te “Përputhen”, që vitin e ardhshëm do të vijë tërësisht i ndryshuar si format.
