Megjithëse janë prej vitesh tashmë në një romancë, balerini Graciano Tagani dhe moderatorja Argjira Spanca nuk e kanë kurorëzuar dashurinë e tyre në fejesë ose martesë.
Por së fundmi, ka qenë një ndjekës i Argjirës ai që ka shprehur dëshirën që ta ketë atë për nuse.
Në një ‘ask me a question’ që moderatorja realizoi në Instagram, dikush i shkruan: “Të kisha unë një nuse si ty”.
Argjira vendosi ta ripostojë komentin e ndjekësit, duke ia treguar edhe partnerit të saj Gracianos. “E sheh që më shumë ma dinë vlerën të tjerët se sa ti?”- shprehet Argjira, ndërsa nuk ka munguar një përgjigje as nga balerini.
“S’të njohin të tjerët si je live prandaj. Live je si dreq, ta nxin shpirtin”- dëgjohet të thotë Graciano gjatë videos.
Rikujtojmë se Gjira dhe Graciano bashkëjetojnë prej vitesh teksa pak javë më parë treguan se hapi i radhës i lidhjes së tyre është fëmija.
