Nikol Nelo, vajza e moderatores Alketa Vejsiu, u shfaq para pak kohësh në “Instagram” me profilin e saj personal. Ajo bëri bujë të madhe me daljen e saj të parë në rrjetet sociale, duke pasur parasysh se moderatorja ka preferuar gjithmonë ta mbajë familjen e saj larg syve të publikut.
Por vajza e saj u shëndërrua menjëherë në një yll Instagrami, duke numëruar rreth 20 mijë ndjekës. Së fundmi Nikol ka realizuar një bisedë virtuale me ndjekësit e saj ku ka marrë goxha komente pozitive dhe i janë drejtuar pyetje nga më të ndryshmet.
Duhet të themi se vajza e Alketës është në të vërtetë simpatike dhe nuk është çudi që ajo të jetë e shumëkërkuar nga djemtë, madje njëri prej tyre e ka kërkuar për nuse Nikolin.
“Merre mamin në cel dhe thuaj të kërkon njëri për nuse”– i tha një ndjekës.
“Paskan filluar aplikimet dhe në Instagram pse nuk thoni ju”-ishte reagimi i saj.
Duke marrë parasysh statusin e lartë që ka, vajza e moderatores është shprehur se i pëlqen të jetë e thjeshtë dhe mendon se vlerat ti jep zemra dhe mendja e jo gjërat materialistike.
“Unë e konsideroj veten si një vajzë normale dhe të thjeshtë. Për mendimin tim vlerat dhe statusin t’i jep zemra dhe mendja, jo gjërat materialistike dhe të tregosh gjëra”- u shpreh Nikol.
