Adriana Lima është zyrtarisht nënë djali!
Modelja ka mirëpritur fëmijën e saj të tretë, i pari me të dashurin Andre Lemmers. Lima është gjithashtu nënë e vajzave Valentina, 12, dhe Sienna, 9, të cilat i ndan me ish-burrin Marko Jarić.
Krahas një fotoje të syrit të të porsalindurit në Instagram, Lima shkroi: “Cyan është ngjyra midis jeshiles dhe blusë në spektrin e dukshëm të dritës. Cyan është ngjyra e ujërave të Bora Bora dhe Maldive, vendeve të preferuara familjes sonë.”
“Cyan tani është ngjyra jonë e preferuar… ngjyra e syve të djalit tonë,” shtoi ajo. “Mirë se erdhe në botën tonë CYAN LIMA LEMMERS ~ 29/08/22.”
Lima njoftoi lajmin për shtatzëninë e saj të tretë në TikTok në shkurt, dhe muajin pasardhës zbuloi se ajo ishte në pritje të një djali.
Gjatë gjithë shtatzënisë, Lima pozoi me barkun e saj në rritje, madje duke veshur fustane të shumta të prera gjatë Festivalit të Filmit në Kanë në maj.
