Prej ditësh ka startuar ‘Festivali i 79-të Ndërkombëtar i Filmit në Venecia’. Në këtë event të rëndësishëm nuk kanë munguar personazhet më të njohur botëror duke nisur nga ish-zonja e parë e Amerikës, Hillary Clinton, partnerja e Cristiano Ronaldos, Georgina Rodriguez, Harry Styles, Olivia Wilde, Timothée Chalamet, e shumë figura të shquara të Hollywood.
Mes tyre, është edhe modelja shqiptare Beniada Nishani. Paa dy ditësh ajo njoftoi se ka marrë një ftesë për të qenë pjesë e Festivalit më 5 shtator. Modelja u shpreh shumë e lumtur, teksa tregoi se do të bëjë gjithçka për ta prezantuar në mënyrë të denjë Shqipërinë.
“Dua të ndaj me ju një ftesë shumë të rendësishme për mua, do te shihemi me 5 shtator në Festivalin e Filmit në Venecia. Shpresoj të përfaqësoj Shqipërinë ne mënyrën më të mirë të mundshme,”-shkruante ish-finalistja e Big Brother Vip.
Sot ajo ka zbuluar se ka qenë në promovimit e filmit “Don’t worry, Darling” që ka si aktor kryesor Harry Styles dhe regjisore partneren e tij Olivia Wilde. Modelja ka publikuar një video në Instagram ku shihet me një fustan të zi të gjatë. Fustani është stil bust dhe ka një të çarë në njërën këmbë që e bën atë të duket edhe më seksi.
Ajo ka veshur sandale të zeza dhe mban një varse gjithashtu të zezë. Flokët i ka stiluar me onde teksa ka bërë një makeup natyral duke vendosur ngjyrat e tokës. Krah postimit, Beniada shkruan: “Tapeti i parë i kuq në premierën e “Don’t worry Darling””.
