Mbidoza thuajse fatale e Eminemit në vitin 2007 ishte një këmbanë alarmi për të marrë në dorë frerët jetës dhe e frymëzoi atë të shërohej e ti rikthehej muzikës.
Gjatë intervistës, reperi tha se teksa i rikthehej muzikës, ndjeu se gjërat ishin “përsëri të reja për mua”.
“Më kujtohet kur u bëra esëll për herë të parë dhe të gjitha gjërat ishin jashtë sistemit tim, mbaj mend që isha vërtet i lumtur dhe gjithçka ishte e re për mua përsëri”, tha ai për krijimin e albumit.
“Ishte albumi i parë dhe hera e parë që u argëtova duke incizuar për një kohë të gjatë. Ishte si hera e parë që fillova të argëtohesha përsëri me muzikë dhe duke rimësuar se si të bëja rap, ju e mbani mend të gjithë atë proces. U desh shumë kohë që truri im të fillonte të punonte përsëri”, shtoi Eminem.
