Pavarësisht se sollën një super hit në 2018, raporti mes Taynas dhe Don Phenom u ftoh një vit më pas. Në një kohë kur Instagrami tregon shumë, u vu re se reperët nuk ndiqen më me njëri-tjetrin.
Prej kohësh ata mbanin një raport të mirë duke folur vazhdimisht për këngën hit, “Columbiana”. Përmes postimeve në Instagram, Tayna shprehej gjithnjë mirënjohëse për bashkëpunimin e tyre dhe Don Phenom gjithashtu.
Prej kohësh nuk ka patur asnjë raportim lidhur me marrëdhënien e tyre deri sot kur Don Phenom ka thyer heshtjen pas kaq kohësh. I ftuar në “Abc-ja e mëngjesit”, ai foli për jetën në Amerikë, njohjen me bashkëshorten dhe suksesin në muzikë. E ndër të tjera edhe për raportet me reperen.
I pyetur për thashethemet që kanë qarkulluar se nuk flet me të, ai tha: “Unë e dua shumë Taynën dhe e përshëndes. Kemi një marrëdhënie të paparë. Kemi një respekt reciprok, për të dhe krejt stafin e saj. Fansat ose dikush e ka krijuar këtë për klikime. E kam shoqe”, tha ai.
