Ende nuk dihet se çfarë ka ndodhur me bashkëpunimin e Lorit dhe Ilirit. Lori ka vendosur që në krye të jurisë së Dancing With The Stars të vendosë balerinin e njohur, Kledi Kadiu pasi Iliri ka pranuar ftesën nga Klani.
Lori e ka konfirmuar përmes një postimi në Instastory, ku ka falenderuar Kledin që pranoi ftesën e saj.
Lori ka treguar edhe mënyrën se si është njohur me balerinin dhe që ishte pikërisht babai i saj, Dritan Hoxha që i ka prezantuar para shumë vitesh.
‘I kam dhënë dorën për herë të parë Kledit në moshën 13 vjeçare kur im atë “detyronte” mua dhe Sara Hoxhën të udhètonim çdo ditë pas shkolle për tu ushtruar te akademia e tij e baletit në Romë. Në fjalët e tij, Kledi ishte balerini më i mirë shqiptar dhe ne nuk mund të shkonim diku tjetër. Kledi nuk vinte shpesh aty, por një nga kujtimet e mia të para me të kanë qënë pikërisht në një nga studiot e baletit teksa unë dhe dhjetra vajza e djem përgatiteshim për shfaqje. Ai erdhi për të parë dhe unë nuk ja hiqja sytë që të kuptoja a do më njihte kur të na kryqëzohej shikimi. Si çdo balerine aty doja të bija në sy të ‘balerini i famshëm i Mediaset’. Në të gjithë madhështinë e tij me modestinë më të madhe ai nuk ngurroi të më jepte atë që për çdo balerin është esenciale: të dali e para.
Sot, 16 vite më vone suksesi i Kledit nuk ka ndryshuar megithatë rrethana jonë nuk është më e njejtë. Unë nuk kërcej më dhe ai nuk është këtu për të më gjykuar mua. Ai pranoi ftesen time dhe të Sara Hoxhës për të na u bashkuar në një tjetër shfaqje; atë që unë ngulmoja që pas fitores time në 2014 ta kisha pjesë të Top channel dhe që Sara po e sjell në jetë me nje skuadër fituesish si në skenë ashtu edhe në prapaskene’, ka shkruar Lori përmbi foton e Kledit.’
