Mbrëmjen e djeshme Shkëlzen Berisha dhe Armina Mevlani i kanë dhënë fund beqarisë. Ceremonia u mbajt në Shijak.
Emrat më të njohur të estradës iu bashkuan gëzimit të tyre.
Ceremonia e tyre ka qënë një miks mes tradicionales dhe modernes.
Momentet kulmore kanë qenë të shumta në ceremoninë e tyre.
Hapja e dasmes Armina dhe Shkëlzeni kanë bërë valsin e parë me këngën ikonike të Christina Aguilera “Hoy tengo ganas de ti”.
Po ashtu edhe ish-kryeministri Berisha ka mbajtur fjalën e tij. “Arben dhe Mimoza, të dashur Armina dhe Shkëlzen! Në dasma nuk duhen fjalime, ndaj dua të them vetëm dy fjalë. Nga zemra uroj Arminën dhe Shkëlzenin që kurorëzojnë dashurinë e tyre disa vjeçare sonte në këtë ceremoni, me miqtë dhe të afërmit e tyre. “-tha ai mes të tjerash.
Liri Berisha kërcen nën tingujt e “Napolonit
Nën tingujt e “Napolonit”, Armina dhe Shkëlzeni “djegin” skenën së bashku me nënë e dhëndrit, Liri Berisha.
Një moment tjetër që rrëmbeu vëmendjen ishte deklarata e të atit të Arminës.
Babai i blogeres emocionoi me fjalimin që mbajti duke i uruar çiftit jetë të lumtur. “Që do bëja një krushk e dija, po se do më bënte Armina krushk me Sali Berishën, këtë se dija”, tha ai mes të tjerash.
Armina nga ana tjetër e ka djegur me vallen e Tropojës. Blogerja si rrallë herë është veshur me veshjen tradicionale duke kërcyer vallen e tropojës si profesioniste.
