Producenti i njohur, Ardit Gjebrea ka publikuar një foto me moderatoren Luana Vjollca në profilin e tij në Instagram. Kjo ka bërë që të nisin aludimet që bukuroshja bionde do të jetë prezantuesja e këtij edicioni në Festivalin Kënga Magjike. Ndonëse, Arditi nuk ka konfirmuar asgjë, komentet kanë qenë të shumta.
Moderatori i ka uruar mirë se ardhjen në Klan Luanës, por përmendja e fjalës “magjike”, ka nxitur thashethemet.
“Mirë se vjen! Duke qënë se jemi në një stinë magjike, i tillë qoftë edhe rrugëtimi yt në familjen Klan me projektet e tua”, ka shkruae Gjebrea.
Postimin e ka shpërndarë edhe Luana, e cila i drejtohet Arditit me fjalët: “Magjik përherë”.
