Nevina Shtylla ka vendosur të ftojë publikisht futbollistin e Kombëtares së Futbollit Eros Grezda në një përballje me Erjola Docin.
Kjo e fundit njihet për deklaratat e saj të bujshme dhe këtë herë ka “piketuar” futbollostin. Sipas saj, ai i ka shkruar dhe më pas e ka fshirë mesazhin, gjë për të cilën ajo e quan “frikacak”.
“E di si është puna, rezultoi frikacak! Unë isha zgjuar, po i shikoja dhe nuk ia hapa 3-4 orë mesazhin. Dhe i bëri “unsend”!“- tha ajo në “E diell” teksa shtoi: “Bëhu burrë!”
Kështu, moderatorja e ka ftuar Erosin në emision. Përmes një postimi në Instagram ajo shkruan: “Eros po ta bëj publikisht ftesën për në emision ta sqarojmë një herë e mirë këtë punë”. Ndërkohë, nga ylli i futbollit nuk ka ende përgjigje.
