Aktorja Jodie Comer, është renditur e para si gruaja më e bukur në botë, duke rrëzuar nga froni Bella Hadid.
Kirurgu estetik lider në botë. Dr Julian De Silva, arriti në këtë përfundim pasi përdori metodën e ‘artë grek’ të bukurisë, i quajtur Phi, i cili mat tiparet fizike. Zendaya u rendit si femra e dytë më e bukur, ndërsa Bella Hadid dhe Beyonce zunë vendin e tretë dhe të katërt.
Mjeku përdor një metodë të quajtur ‘harta e fytyrës’ për të vlerësuar pacientët e tij, e cila bazohet në trupin e njeriut ideal grek të lashtë. Sipas teorisë së raporteve të bukurisë, atraktiviteti fizik i një personi rritet kur përmasat e fytyrës ose trupit i afrohen konstantës matematikore 1.618. (Phi). Bazuar në karakteristikat fizike të Jodie si sytë, vetullat, hunda, buzët, mjekra dhe nofulla, aktorja 29-vjeçare është 94.52% afër idesë së perfeksionit.
De Silva, i cili drejton Qendrën për Kirurgjinë e Avancuar Kozmetike dhe Plastike të Fytyrës në Londër, tha për The Sun :
“Jodie Comer ishte fituesja e qartë kur të gjithë elementët e fytyrës u matën për përsosmërinë fizike. Ajo kishte leximin më të lartë të përgjithshëm për pozicionimin e hundës dhe buzëve, me një rezultat prej 98.7%, që është vetëm 1.3% larg të qenit forma perfekte. Jodie gjithashtu kishte rezultatin më të lartë për gjerësinë dhe gjatësinë e hundës dhe ishte afër majës për formën e buzëve dhe pozicionin e syve të saj. Elementi i vetëm për të cilin ajo u vlerësua ishin vetullat e saj të cilat arritën një rezultat mesatar prej 88%. Ndërkohë, ylli i ‘Dune’ Zendaya shënoi 94.37 për qind ndërsa Bella Hadid zuri vendin e tretë me 94.35 për qind”.
