Capital T është nga reperët më të njohur në skenën muzikore shqiptare.
Trim Ademi karrierën e tij e ka nisur që në moshë fare të re për të arritur këtu ku është sot në mesin e më të suksesshmëve.
Lidhur me këtë Capital T ka folur së fundmi në “Barber shop” ku ishte i ftuar.
“Kohën kur ia kam nisur unë nuk ka pasur as menaxherë në lojë, tani kanë filluar lekët, interesi e kështu. Nuk kam mundur të gjejë dikë që më reprezenton mua. Menaxherët në industrinë tonë shpesh e keqkuptojnë rolin e vet bëhen më yje se artistët”, u shpreh ai.
“Me artistët që i kam njohur unë janë 90 për qind më ndryshe sikur i shohin njerëzit apo sikur i portretizojnë, më thjesht më përtokë. Menaxherët tani mendojnë se janë më yje se i kanë të gjitha gjërat në dorë. Është lodhje, në fund të fundit jam 100 për qind unë. I marr përsipër të mirat dhe të këqijat, çfarëdo që ndodhin”, vazhdoi më tej Kapo.
