Një ngjarje skandaloze ka ndodhur në një qendër mjekësore në qytetin e Pejës. Videoja e rëndë ku infermieret e kësaj qendre dhunojnë një paciente të moshuar është shpërndarë kudo në rrjet dhe ka shkaktuar reagime nga të gjithë.
Siç shihet nga pamjet e siguruara, janë tre infermiere të cilat dhunojnë të moshuarën, ndërsa një tjetër, e paidentifikuar i filmon.
Personazhet e njohur publikë shqiptarë, kanë reaguar menjëherë të gjithë njëzëri, kundër dhunës dhe veprimit të tmerrshëm të infermiereve.
Ndërkohë, Kryetari i Komunës së Pejës, Gazmend Muhaxheri ka reaguar pas publikimit të një videoje, ku shihet një punonjëse duke e rrahur një të moshuar në një shtëpi të pleqëve.
Muhaxheri ka potencuar se Komuna e Pejës nuk e menaxhon asnjë institucion, i cili ofron shërbime geriatrike.
“Ftoj publikisht inspektoriatin e shëndetësisë dhe organet e rendit që të trajtojnë këtë rast.”, ka shkruar Muhaxhiri
Është shqiptuar masa e arrestit prej 48 orëve kundër dy të dyshuarave për sulm ndaj një të moshuarës në shtëpinë e të moshuarve “ORENDA” në Pejë. Sipas njoftimit të Prokurorisë Themelore në Pejë aty dyshohen se kanë kryer veprën penale “Sulmi” dhe veprën penale “ndihma në kryerjen e veprës penale Sulmi”.
