Ori Nebiaj nga skena e televizionit do të kalojë në Parlament. Moderatorja ka pranuar postin e deputetes.
E pyetur nga gazeta “Panorama”, Ori konfirmoi se do të zëvendësojë Grida Dumën në listën e Partisë Demokratike në Tiranë.
Nebiaj kandidoi më 25 prill në qarkun e Tiranës, ku mori 5606 vota preferenciale.
Aktualisht, Ori është e angazhuar në programin e përditshëm të dashurisë “Për’puthen”. Akoma është e paqartë nëse Nebiaj do ta lërë në mes angazhimin e saj aktual në televizion, për t’ju përkushtuar mandatit të deputetes.
Ditën e djeshme (8 nëntor) Grida Duma dorëzoi mandatin e saj të deputetes që iu besua një vit më parë në zgjedhjet e 25 prillit.
Me anë të një konferencë për shtyp nga ambientet e kryesisë së Kuvendit, Duma komunikoi vendimin e saj, duke e cilësuar si një nga momentet më të vështira, por edhe më të rëndësishmet.
