Është bërë me dije programi i cili do të moderohet nga ish-deputetja Grida Duma. Bëhet fjalë për emisionin që dikur drejtohej nga Sokol Balla “Top Story”.
Lajmin e ka bërë me dije pronarja e Top Channel, Lori Hoxha, me anë të një fotoje në Instastory.
Grida Duma e zhveshur nga petku i politikanës do të vijë për publikun shqiptar në rolin e moderatores këtë të hënë.
Kujtojmë që tre ditë më parë (8 nëntor) deputetja e Partisë Demokratike në qarkun e Tiranës, Grida Duma dorëzoi mandatin që mori një vit më parë në zgjedhjet e 25 prillit.
