Dua Lipa do të vijë në Shqipëri më shpejt nga sa e prisnim. Lajmin e ka bërë me dije vetë këngëtarja përmes një videoje në Instagram, ku tregon se do të performojë në kuadër të turneut të saj botëror “Future Nostalgia”. Ajo ka zgjedhur ta përmbyllë turneun në Shqipëri, në datën 28 nëntor.
“Jam shumë e emocionuar t’ju lajmëroj se turneu “Future Nostalgia” do të përmbyllet në Tiranë me 28 Nëntor. Mezi po pres t’ju shoh me 28 Nëntor, për ditën e flamurit dhe për 110 vjetorin e Pavarësisë.“, shprehet ylli shqiptar me famë botërore në videon që ka ndarë.
