Tea Trifoni, vajza që rrëmbeu vëmendjen e publikut në edicionin e dytë të “Për’puthen” do të bëhet pjesë e Big Brother Vip Albania. Ashtu sikurse kemi mësuar Tea është pjesë e personazheve të njohur që i kanë thënë po ftesës së produksionit që theu rekorde shikueshmërie vitin e kaluar.
Tashmë ka nisur edhe numërimi mbrapsht për nisjen e Big Brother Vip që do të ndezë dritat e shtëpisë më të famshme në Shqipëri mbrëmjen e 24 Dhjetorit.
Tea u kthye në një personazh mjaft të komentuar dy vite më parë për shkak të lidhjes që krijoi në emisioninn e dashurisë. Edhe pas përfundimit të këtij formati ajo ka qenë shpesh herë në qendër të mediave rozë për jetën e saj personale.
