Ndërsa sezoni i festave është në prag, nuk ka kohë më të mirë sesa për të nisur një listë të filmave që duhet të shikoni bashkë me partnerin/en apo familjen këtë Krishtlindje apo Vit të Ri.
Këtu keni një listë të 14 filmave festive që duhet të shikoni për festat:
Home Alone
Filmat ikonë me bëmat e Kevin janë një ‘must’ çdo fundvit.
The Holiday
Një britanike dhe një amerikane vendosin që të shkëmbejnë shtëpitë për festat. Vendimi rezulton në gjetjen e dashurisë, për secilën.
The Christmas Chronicles
Kush mund të mos pëlqejë një film ku një çift, që janë të tillë edhe në jetën reale, luajnë rolin e Babagjyshit dhe Babagjyshes? Ndërkohë dy fëmijë tentojnë që t’i filmojnë në kamera.
A christmas Prince
Një gazetare nga New York do të bej një reportazh për princin dhe ngjarjet rrjedhin duke rënë në dashuri me njëri tjetrin.
Arthur Christmas
Filmi perfekt për Krishtlindje për fëmijët, familjet dhe të gjithë të tjerët që i adhurojnë Krishtlindjet. Në të do shohim ‘botën’ që fshihet pas organizimit të dhuratave të Babagjyshit.
Deck the Halls
Filmi ikonë i 2006-s, ku luan Matthew Broderick dhe Danny DeVito, që janë në rolin e dy fqinjëve që përplasen për dritat e festave.
The Santa Clause
Kur një burrë vret pa dashje Santa në prag të Krishtlindjes, ai e gjen veten të zërë vendin e tij. Filmi i vitit 1994 me komedianin Tim Allen.
It’s a Wonderful Life
Është një nga klasikët që na ka treguar se si duhet të jetë një film i mirë për Krishtlindjet.
The Polar Express
Përralla tregon historinë e një djaloshi që niset me trenin magjik për në Polin e Veriut. Dhe do të gjeni Tom Hanks, që është mishërimi i shpirtit të Krishtlindjeve në botën e Hollivudit.
How the Grinch Stole Christmas
Nuk ka Krishtlindje, pa Grinch-in. Dhe s’ka Grinch pa Jim Carey-n.
Love Actually
Filmi i 2003-shit tregon nëntë histori të ndërthurura që shqyrtojnë ndërlikimet e një emocioni që na lidh të gjithëve: dashurinë.
Holidate
Kjo komedi-romantike është publikuar këtë tetor në Netflix dhe tregon historinë e dy personave që u ka ardhur në majë të hundës që t’i kalojnë pushimet si beqarë, kështu që vendosin të jenë bashkë për një vit.
Miracle on 34th Street
Një vogëlushe që nuk është e bindur nëse ekziston apo jo Babagjyshi, ndihmohet nga dikush për të zbuluar të vërtetën. Do t’ju bëjë të ndiheni sërish fëmijë.
