Moderatorja Armina Mevlani është jashtë vendit për pushime, por gjeti mundësinë të ishte për pak çaste e pranishme në episodin e fundit të këtij sezoni për “Goca dhe Gra”.
Me një improvizim të këndshëm nga stafi i “Goca dhe Gra”, Armina u paraqit virtualisht dhe tregoi se po kalon kohë me bashkëshortin Shkëlzen Berisha dhe fëmijët e tij.
“Më ka marrë malli. Ndihem keq që nuk jam fizikisht, ashtu siç duhej aty. Do të doja të isha me ju për Krishtlindje, po detyrime e angazhime familjare, se fëmijët e Shkëlzenit i kemi larg, kështu që festuam Krishtlindjet me ata. Do më marrë shumë malli”, u shpreh Armina.
