Nuk ka qenë një ditë aspak e qetë për Luiz Ejllin dhe Armaldo Kllogjerin në shtëpinë e “Big Brother” sot, me dyshen që kanë rinisur debatet pikërisht aty ku i lanë dje, madje i kanë çuar në një nivel tjetër.
Kështu, diskutimet e djeshme mes tyre kulmuan me hedhjen e maestros në pishinë, që rezultoi me jo pak pasoja për të gjithë banorët, ndërkohë sot debati i tyre kaloi në tone më të forta, madje deri në ofendime.
Luizi e akuzoi Armaldon se “lëpin aty ku pështyn”, ndërsa e qujti “frikacak” dhe “mosmirënjohës”.
Ndërkohë Kllogjeri e quajti “burracak” Ejllin, po ashtu e akuzoi se “merret vetëm me vajzat e shtëpisë” dhe arriti deri aty sa e quajti “turpi i shtëpisë”.
