Luiz Ejlli, emri më i lakuar në Big Brother ka deklaruar publikisht brenda shtëpisë se admiron kreun e PD, Sali Berishën.
Edhe ky i fundit i është përgjigjur disa herë simpatisë së Luizit, duke folur fjalë të mira për të. Së fundi, në një bashkëbisedim “online” me ndjekësit, Berisha është pyetur nëse do e ftojë Luiz Ejlli në fushatën e Partisë Demokratike, kur këngëtari të dalë nga BB VIP.
“Besoj se nuk ka asnjë rëndësi mendimi im, pasi Luizi dëshmoi që është, një artist, interpretoi si artist me talent dhe e meriton fjalën artist. Secili ka diellin e vet dhe nuk duhet t’i përziemi askujt në diellin e tij. Ai meritoi admirimin e publikut, shqiptarëve dhe më gjerë”, u shpreh Berisha.
