Sonte në emisionin e fundit të ‘Zemër Luana’ si të ftuar kanë qenë dy kapitenët, Bes Kallaku dhe Olsi Bylyku, të cilët nuk u kanë shpëtuar pyetjeve pikante.
Në banakun e birrave ata duhet të përgjigjeshin ose të pinin me fund një birrë. Ndonëse në pyetjet e realizuar nga Lili (aktori Eglein Laknori) një ndër pyetjet për Besin ka qenë: Besi na zbulo emrin e të ftuarit VIP i cili të ka surprizuar për mirë dhe emrin e të ftuarit që të ka dalë e kundërta, që të ka surprizuar për keq këtë sezon në “Zemër Luana”?
“Don Xhoni me Butrint Imerin më kanë surprizuar për mirë, emisioni i parë ka qenë flakë. Ndërsa ai që më ka surprizuar, jo për keq. Por kam pritur më shumë nga Ermal Mamaqi, sa i përket ‘show’, atmosferës së emisionit, por Ermali nga ai që njihja unë ishtë bërë më serioz sa e mbaja mend”, ka thënë Besi.
Sigurisht nuk kanë munguar as batutat, pasi rikujtojmë se Besi dhe Ermali nuk flisnin pas një kunje të krijuar në “Shiko Kush Luan” dhe u pajtuan pikërisht me nisjen e “Zemër Luana”.
