Aurela Hoxha ka zbuluar se është bërë nënë për herë të dytë.
Modelja e njohur, e cila prej vitesh është larguar nga Shqipëria për në Spanjë ku ka krijuar familjen e saj, ka arritur që të dy shtatzënitë t’i mbajë totalisht sekrete për publikun dhe mediat.
Të dy ardhjet në jetë të bebushave ishin befasi për të gjithë, pasi në asnjërën nga pritjet e ëmbla ajo nuk ka zbuluar foto me barkun e rrumbullakosur.
Bukuroshja shqiptare tha se e ka bërë këtë gjë pasi nuk donte të komentohej për format e saj teksa po përjetonte një ndjenjë aq të bukur.
Dhe për të gjithë ata që kanë qenë kureshtarë se si modelja është dukur gjatë muajve të pritjes së ëmbël, më në fund kanë mundësi ta shohin.
Aurela u bë nënë për herë të parë e një djali një vit e gjysmë më parë, ndërkohë që vetëm para 2-muajsh u bekua me një vajzë.
