Butrint Imeri ka bërë disa postime të dyshimta në Instagram që janë bërë objekt diskutimi nga fansat e tij.
Artisti ka publikuar në Instastoryn e tij fillimisht foton e një çifti në momente intime. Ndonëse ai nuk e ka treguar fytyrën e asnjërit ka të ngjarë që të jetë thjeshtë një foto e marrë nga Interneti.
Më pas Butrinti ka publikuar foton e Jack dhe Rose pa asnjë koment. Nuk dihet arsyeja se pse Butrinti u bë papritur kaq romantik por në mediat sociale kanë nisur aludimet. Nuk përjashtohen mundësitë që përmes këtyre fotove, Butrinti të jetë duke paralajmëruar këngën e re. Një këngë dashurie ndoshta?
Ndonëse shumë i komentuar, Butrinti e ka ruajtur gjithnjë me hermetizëm jetën e tij private. Lidhja e vetme e tij që dihet me siguri është ajo me Kiara Titon. Ndonëse nuk e pranuan kurrë, këngëtari u përfol gjatë në mediat online për një lidhje me moderatoren simpatike. Çifti madje u kapën mat teksa shijonin pushimet në të njëjtin vend apo pinin një kafe në një lokal të Prishtinës. Por sa herë që ata pyeteshin në media për një raport më shumë sesa shoqëror, dëgjonim vetëm mohime.
Megjithatë, provat ishin të pakontestueshme. E gjitha nisi nga një intervistë e Butrintit me Kiarën në 2018 kur ajo e puthi në studio e më pas duket se ata vijuan njohjen. Komentet n rrjetet sociale për njëri-tjetrin nuk mungonin teksa po ashtu Kiara ka amrrë pjesë në videoklipin e Butrintit “Hajt Hajt”. Nuk dihet arsyeja se përse ata u ndanë, ndonëse lart e poshtë thuhet se shkak është bërë nëna e Butrintit.
Ndonëse ka thënë se është beqar para pak kohësh Butrinti u përfol për një lidhje me Olta Beqirin, një aktore e re dhe personazh i njohur në mediat sociale. Megjithatë, ata nuk janë fotografuar asnjëherë bashkë dhe Butrinti i mohoi këto lajme.
