Sezoni i dytë i serialit dokumentar ‘”I’m Georgina” po bën sërish bujë dhe ka ndezur internetin dhe rrjetet sociale me një rrëfim të Georgina Rodriguez për një vend të pazakontë ku ajo kishte bërë seks me Cristiano Ronaldon.
Nëse episodi i parë zbuloi disa sekrete të lidhjes, i dyti nuk ka mbetur pas dhe në Spanjë është më i ndjekuri në platformën Netflix.
Në një nga episodet, modelja dhe biznesmenja po u tregonte miqve të saj shtëpinë e familjes së saj në Madrid dhe ndërsa ata po flisnin për një nga tatuazhet në krahët e saj, bisedat u ndezën dhe pikërisht atëherë erdhën pyetjet ngacmuese.
“Unë e kisha shmangur notin në plazh, por u ktheva në shtëpi dhe Cris më tha të shkoja në spa. Unë isha shumë e mërzitur me duart e ngritura lart që të mos lagen. U lodha duke i mbajtur duart lart”, tha Georgina.
Më pas, miku i saj Ivan, i cili është bashkëpunëtor i Telecinco, tha me shaka se ata mund të kishin bërë dashuri në shtrat dhe jo në spa, por Georgina konfirmoi se ndodhi pikërisht aty.
“Jo, ne e bëmë atje”, pranoi ajo.
Motra e saj Ivanën mbeti e hutuar, pasi donte të verifikonte informacionin dhe e pyeti sërish nëse ata bënin dashuri në spa, por Georgina nuk u përgjigj, megjithëse qeshi dhe më pas u përpoq ta mohonte, por ishte vonë, sekreti u zbulua.
Sezoni i dytë i “I am Georgina” është më intimi për modelen, duke u përballur me një vit shkatërrues për të për shkak të humbjes së foshnjës së porsalindur dhe disa detaje të tjera nga jeta e saj me Ronaldon.
