Si ishin orët e para të Oltës pas daljes nga shtëpia e “BBV”? Përgjigjen për këtë e ka dhënë e ftuar në emisionin “Live from Tirana” në “Top Albania Radio” gazetarja e njohur dhe njëkohësisht motra e Olta Gixharit, Gerta Gixhari.
Gerta tregoi se Olta pas spektaklit direkt ka shkuar në shtëpi, ku ka takuar atë dhe prindërit.
“Olta menjëherë pasi la spektaklin bëri intervistën dhe erdhi te shtëpia ime, kisha prindërit aty. Ata nuk dinin gjë që Olta do të dilte, unë e mora vesh një ditë para. Ata mendonin se kishte dalë dhe do të rikthehej sërish. Biseda e parë më Oltën ishte që më pyeti nëse bëri mirë që mori atë vendim. I kanë munguar shumë pohimet dhe mohimet e mia. I thashë mjafton që ti të jesh rehat, ke qenë e vendosur dhe më mbrapa nuk pse e mendon. Kishte ditë që e mendonte, ishte shumë e vendosur dhe unë e miratova. Nëna jonë e respektoi vendimin sepse shikon shumë anën familjare. I thonte nga ekrani që dil Olta sepse prioritet është djali. Babai nuk ra dhe aq dakord, tha që ishte më mirë të shkonte deri në fund, ishte në një pikë të fuqishme të lojës, pra ishte paksa kundra daljes së Oltës. Kur erdhi Olta në shtëpi, e kemi gdhirë deri në orët e para të mëngjesit. Më shumë ishim si dëgjues sepse Olta kishte nevojë të shprehej”, tregoi Gerta.
