Këngëtarja Gigliola Haveriku, ish-e dashura e aktorit Amos Zaharia, foli në lidhje me një koment të sajin, kundrejt konkurentes së BBV2, e cila bëri jehonë në mediat online.
Ajo tha se komenti i saj u keqkuptua, dhe se u mendua se ajo reagoi se ishte xheloze për afrimin e Deas me Amos, por kjo gjë nuk ekziston.
“Kam bërë një koment në gjuhën italiane në fakt dhe ka konotacion komplet tjetër. Ajo tha diçka për veten si princeshë, dhe në portale u përkthye “si princesha e të varfërve”. Por ajo ka sensin, si me thënë Anxhelina shqiptare, nuk është negative, është ironike pa dyshim me nuance humori, por është marrë më shumë seç duhet seriozisht. Dhe unë nuk doja të jepja përgjigje më në rrjete sociale…pasi u fol sikur jam bërë xheloze, por jemi shumë larg asaj gjëje”, u shpreh këngëtarja.
