Ka disa teori të pranuara gjerësisht nga komuniteti shkencor se si njerëzimi do të dorëzohet apo shuhet.
Bazuar në një raport të fundit, shkencëtarët nga Agjencia Europiane e Hapësirës (ESA) besojnë se e dinë se si do të jetë procesi i përfundimit të aktivitetit të Diellit, të cilin ata e lidhin drejtpërdrejt me fundin e planetit.
Në këtë kohë, Dielli është në fazën e sekuencës së tij kryesore, pra bërthama arrin të shndërrojë hidrogjenin në helium, i cili gjeneron energji të shprehur në formën e shkëlqimit dhe nxehtësisë.
Por sipas përllogaritjeve të bëra nga të dhënat e sondës hapësinore Gaia të ESA-s, Dielli do të bëhet një yll gjigant i kuq kur të jetë midis 10,000 dhe 11,000 milionë vjeç. Në këtë kohë ai do ketë arritur fundin e jetës së tij.
Tani Dielli është 4,670 milionë vjeç.
Në fundin e tij ai do të jetë rritur në madhësi me 10% në krahasim me madhësinë e tij aktuale, gjë që do të shkaktojë një rritje vdekjeprurëse të temperaturës për speciet njerëzore.
Kjo do të thotë, se shkencëtarët llogaritin se fundi i botës do të ndodhë brenda 6,000-8,000 milionë viteve.
