E ftuar mbrëmjen e djeshme në “Kurthin e Piter Pan”, modelja e njohur shqiptare Xhesika Berberi, teksa foli dhe tregoi detaje në lidhje me karrierën e jetën personale, po ashtu ndau edhe një moment mjaft interesant, takimin me këngëtaren e famshme, Selena Gomez. Xhesika rrëfeu se ka bërë një bisedë shumë të çiltër me të, ndërsa bëri me dije se këngëtarja e ka surprizuar dhe cka i bëri më shumë përshtypje nga ajo ishte ndjesia e mirë që i la takimi me të.
“Personi që me të vërtet e kam vlerësuar shumë ka qenë Selena Gomez. Ka qenë një vajzë me këmbë në tokë dhe kemi bërë një bisedë të çiltër dhe të hapur. Më ka bërë shumë përshtypje. Për famën që ajo ka dhe thjeshtësinë që prezantonte, ishte jashtëzakonisht e mirë”- tregoi Berberi, duke konfirmuar kështu atë që mendonin të gjithë për artisten, e cila ka në publik njihet për mënyrën e sjellshme që sillet me njerëzit, vecanërisht me fansat.
