Bebe Rexhës i ndodhi një incident i tmerrshëm gjatë një koncerti në New York. Teksa po bënte shqiponjën me duar, ajo u godit me telefon në fytyrë nga dikush në audiencë. Pas këtij momenti këngëtarja ra në gjunjë me kokën ulur dhe në dhimbje teksa anëtarët e ekipit nxituan ta ndihmonin.
Bebes i është dashur të bëjë tre qepje në fytyrë pas goditjes së rëndë. Pak më parë ajo ka reaguar për ngjarjen duke postuar dy foto në Instagram ku tregon syrin e nxirë.
“Jam mirë”, shkruan Bebe.
“The Mirror” raporton se personi që i ka qëlluar Bebes, një 27 vjecar i quajtur Nicolas Malvagna, është arrestuar nga policia.
