Viti 2023 padyshim është viti i Luiz Ejllit.
Këngëtari i njohur pati një rikthim të fuqishëm në skenën muzikore dhe showbizin shqiptar pasi ishte distancuar prej vitesh.
Emri i tij momentalisht është ndër më të komentuarit dhe këngët e tij janë hitet e kësaj vere.
Pëlqimi ndaj tij ka shkuar deri aty se një fanse e ka përjetësuar në trup si dedikim për dashurinë ndaj tij.
Fjalia “A di si m’duki ju?” dhe fjala “Çapaçula” ishin ndër më të përdoruarat nga Luizi, e të cilat edhe fansja i ka bërë tatuazh në krahun e saj.
Këtë “dedikim” nga fansja, e ka bërë vetë të ditur Luizi në një postim të fundit në InstaStory sipër të cilës ka shkruar “pa fjalë”. Kujtojmë që edhe më parë Luizi tha se ka takuar një tjetër fans që ka bërë tatuazh portretin e tij.
