Piloti holandez Dilano Van’t Hoff, vetëm 18-vjeçar, ka humbur jetën pas një aksidenti të ndodhur në xhiron e fundit të garës Spa-Francorchamps.
Kjo garë ishte e vlefshme për fazën e katërt të kampionatit evropian rajonal të “Formula 3” që u zhvillua në Belgjikë, ndërsa Van ‘t Hoff u përplas me makinë, incident që e detyroi të ndalonte në mes të pistës, ku u godit sërish drejtpërdrejt nga një makinë që i afrohej pas shpine me shpejtësi.
18-vjeçari u nxor nga makina pa ndjenja dhe u transportua menjëherë në qendrën mjekësoree më pas me urgjencë në spital, por mjekët nuk mundën ta mbanin në jetë pas plagëve të rënda të shkaktuara nga aksidenti në pistë.
