Këngëtarja dhe aktorja e njohur britanike Jane Birkin ka ndërruar jetë në moshën 76-vjeçare.
E ndjera e cila ishte kthyer në ikonën e modës në Francë, ka vuajtur së fundmi nga disa probleme shëndetësore, gjë që solli dhe anulimin e koncerteve të saj të fundit.
Shkaku i vdekjes së saj nuk është bërë i ditur. Birkin e cila ka prekur majat e suksesit, njihet dhe për marrëdhënien e saj të komplikuar me këngëtarin dhe tekstshkruesin Serge Gainsbourg.
Ajo është njohur për theksin e saj të veçantë francez, ku shumë e kanë përshkruar atë si vajzën ikonë të viteve 1970.
Madje ajo është arsyeja përse kompania e çantave luksoze Hermes , dizenjoi në vitin 1984 një çantë me emrin e saj dhe prej atëherë ajo konsiderohet simbol i kompanisë.
