Pak ditë më parë, një koncert në Hungari i Rita Orës solli shumë polemika duke qenë se artistja shqiptare performoi duke mbajtur në dorë një flamur serb. Ky veprim i këngëtares ka sjellë reagime të shumta, ndërkohë që vetë artistja u shpreh se nuk e kishte vënë re se cili flamur ishte.
Sakaq, në rrjet është publikuar një tjetër video nga momenti kur Rita Ora ka marrë flamurin serb nga një fans i saj, ndërkohë që vihet re se këngëtarja nuk i ka kushtuar rëndësi për të parë se cilit shtet i përket. Sakaq, për këtë “incident” ka reaguar edhe ish-kapiteni i Kombëtares, Lorik Cana i cili me anë të një “story” në Instagram, ka shprehur mbështetje për Rita Orën.
Cana ka zgjedhur një foto nga fëmijëria e Rita Orës, aty ku ajo shihet e veshur me veshje kombëtare dhe me simbole të flamurit shqiptar. Foton e ka shoqëruar me një yll, duke treguar në këtë mënyrë se e ka mirëkuptuar veprimin e këngëtares.
