Kalimi nga stina e verës, në përditshmëri, detyrimet dhe rutinën e re, nuk është shumë e lehtë. Vera gradualisht po na lë dhe ne duhet të vazhdojmë me energji dhe dinamizëm në stinën e re të vjeshtës që dhe pak do të trokasë.
Sigurisht dihet ndjesia që nuk jemi gati për t’u kthyer ose kemi nevojë për një nxitje shtesë për t’u rikthyer siç duhet.
Kjo është arsyeja pse në këtë artikull do ndajmë me ju disa zakone që do të na ndihmojnë të rikthehemi plot me energji dhe më të gatshëm për t’u kthyer në detyrat tona.
Duhet të përshtateni me orarin tuaj të gjumit
Pasi të keni fjetur sa më shumë në pushimet tuaja dhe të keni mbledhur forcat, është koha që gradualisht të hyni në orarin tuaj të përditshëm të gjumit. Filloni me zgjimin herët dhe ndjekjen e rutinës suaj të mëngjesit disa ditë para se të ktheheni në punë.
Thuaj po për një stërvitje të relaksuar
Çfarë është më mirë se t’i rikthehesh jetës së përditshme me një stërvitje? Do të ndjeni sërish energjinë, por edhe endorfinën në trupin tuaj, e cila nga ana tjetër do t’ju japë edhe më shumë humor. Plus, është koha për të forcuar përsëri trupin tuaj, pas ditëve të pushimit.
Shmangni shpërqendrimet
Gjëja më e mirë për të bërë është të përqendroheni në atë që është me të vërtetë e rëndësishme për ju. Mos u ndalni të fokusoheni në gjërat që nuk kanë shkuar mirë. Në vend të kësaj, zbrazni mendjen dhe fokusohuni në çështjet që dëshironi të zhvilloni me sezonin e ri.
Jepini përparësi zakoneve që ju kanë munguar
Është koha për t’u kthyer dhe gjithçka që ju jep stabilitet duhet bërë, qoftë edhe një kafe pasdite me miqtë.
Kujdesi për veten duhet të jetë në maksimumin e tij
Humori më i mirë dhe kujdesi për veten shkojnë së bashku. Shijoni banjot tuaja, rutinat e bukurisë, thoni po masazheve dhe trajtimeve dhe mos harroni të vendosni veten në radhë të parë.
