Kur vjen puna te fëmijët, prindërit lënë pas krahëve gjithçka dhe e përqëndrojnë vëmendjen tek ato.
Kështu ka ndodhur edhe me reperin e njohur, Majk dhe ish-partneren e tij, Majlinda Zeka, të cilët sot së bashku kanë shoqëruar djalin e tyre Roan në ditën e parë të shkollës.
I vogli i tyre sot nis klasën e parë dhe i ka pasur të dy prindërit pas vetes.
Majk ka ndarë disa foto me të në profilin e tij në “Instagram” teksa i ka bërë edhe një dedikim të ëmbël duke shkruar:
‘Urime dita e parë e këtij rrugëtimi shkollor. Të priftë e mbara dhe gjithë të mirat në jetë. Të don babi’.
Po ashtu, edhe Majlinda ka publikuar disa foto me të duke shkruar:
“Sot u bëre nxënës i klasës së parë. Urime dita e parë e shkollës Roan. Të uroj suksese dhe shumë momente të lumtura”.
