Aktori spanjoll Gabriel Guevara, i njohur për rolet e tij në filmin ‘My Fault/Culpa Mia’, u arrestua në Venecia pasi Franca lëshoi një urdhër arresti ndërkombëtar për të me akuza për abuzim seksual.
Policia e Venecias konfirmoi arrestimin, i raportuar fillimisht nga e përditshmja e Venecias La Nuova. Ndërkohë mediat italiane shkruajnë se gjykata e Apelit do të vendosë për çështjen e aktorit përpara se të fillojë procedura e ekstradimit.
Për momentin nuk janë dhënë detaje të mëtejshme mbi sulmin apo arrestimin. Guevara u arrestua një ditë përpara se të merrte çmimin për ‘aktorin më të mirë të ri’, të dhënë nga Filming Italy.
Ndërkaq, me lajmin për arrestimin e tij, Filming Italy anuloi çmimin. Guevara fitoi famë në vitin 2018 si Cristian Miralles Haro në sezonin e parë të “Skam España”.
