20 vite pas ndarjes, çifti i njohur i japin një shans të dytë dashurisë së tyre

Reperi i njohur Nelly dhe këngëtarja Ashanti i kanë dhënë një shans të dytë dashurisë së tyre pas 20 vitesh ndarje.

Ashanti mori pjesë në “MTV VMA Awards”, ku Nelly po performonte ndërsa në dorë mbante një çantë me një foto të vjetër me reperin kur ata morën pjesë në ceremoninë e ndarjes së çmimeve në 2003.

Lajmin e ëmbël e ka konfirmuar vetë Ashanti gjatë një interviste me E! News, teksa gazetari i tha që çanta ishte “e lezetshme” dhe u pyet nëse ajo dhe ylli i “Hot in Here” ishin sërish në një lidhje.

Ajo u përgjigj: “Mendoj që…po”.

Kujtojmë që dyshja u lidhën së bashku në vitin 2003, ndërsa u ndanë disa vite më pas.