Pas pjesëmarrjes në edicionin e dytë të “Big Brother VIP”, Kiara Tito është kthyer në një nga personazhet më të pëlqyer dhe të ndjekur. Sigurisht që impakt të madh ka edhe historia e dashurisë me Luiz Ejllin, me të cilin u njoh brenda shtëpisë më të famshme në Shqipëri.
Mbrëmjen e djeshme, Kiara Tito ka reaguar në lidhje me diçka. Ajo ka vënë re se në rrjetet sociale, emri i saj po përdoret për të shitur produkte të ndryshme, ku në fakt nuk është aspak ashtu.
Përmes një postimi të bërë në “Instastory”, moderatorja shprehet se këto postime janë të montuara dhe aspak të vërteta. Ajo gjithashtu shtoi se nëse një gjë e tillë nuk ndalet do të detyrohet të ndërmarr hapa ligjor.
