Përfliten prej kohësh për lidhjen e tyre të dashurisë dhe ndonëse të gjithë tashmë janë të bindur për vërtetësinë e saj vet Adrola Dushi dhe Capital T nuk e kanë pranuar asnjëherë.
Në çdo paraqitje të tyre ata nuk mund të ikin nga kjo pyetje por përgjigje konkrete nuk marrim.
Së fundmi Adrola e ftuar në ‘’Top Albania Radio’’ padyshim që u ‘’ngacmua’’ edhe për këtë pjesë.
“Sigurisht që më pëlqejnë trimat edhe patjetër që nuk mund të ishte ndryshe pa një trim në krahë (qesh).”-tha modelja me batuta referuar dhe emrit të vërtetë të reperit, i cili quhet Trim Ademi.
Kjo ishte një nga deklaratat më të përafërta që mund ta quajmë si një konfirmim indirekt.
Më pas ajo u ndal te koncerti ‘Time Capsule’ që reperi realizoi në Prishtinë pak javë më parë.
“Jam shumë fanse e tij me thënë të drejtën, po ta shikoni telefonin tim unë nuk kam asnjë foto dhe asnjë video nga ajo natë sepse e kam shijuar pafund atë koncert.”-u shpreh Adrola.
