Prej javësh në rrjet po përfolet se këngëtarja e njohur Ariana Grande pas divorcit nga Dalton Gomez, ka nisur një romancë dashurie me Ethan Slater.
Së fundmi dyshja janë fotografuar duke shëtitur së bashku të kapur dorë për dore në Disneyland
30-vjeçarja dhe Slater po përpiqeshin që të fshiheshin nga paparacët teksa kishin veshur xhupa dhe në kokë kishin vendosur kapele.
Kujtojmë që zërat për lidhjen e tyre filluan të qarkullojnë disa ditë pasi ylli i popit bëri një kërkesë për tu divorcuar nga bashkëshorti i saj, Gomez duke i dhënë fund martesës së tyre 2-vjeçare.
Sipas dokumente, Grande i kërkoi atij që të respektohej marrëveshja e tyre paramartesore. Ajo gjithashtu dëshiron që disa nga bizhuteritë e saj të shtrenjta të konsiderohen pronë dhe asete të veçanta.
Pavarësisht ndarjes së tyre, burimet i thanë Page Six se gjithçka ka mbetur miqësore mes ish-çiftit.
