Reperi i famshëm, Drake, është kritikuar së fundmi nga fansat pasi ka harruar tekstet e këngëve të tij teksa po performonte në skenë gjatë turneut të tij “It’s All a Blur”.
36-vjeçari, performoi për të dytën natë radhazi në “State Farm Arena” në Atlanta, ndërsa Drake nuk i mbante mend gjysmën e tekstit të këngëve të tij.
“O Zot më në fund”- shkroi një fans në “X”, ndërsa një tjetër vazhdoi: “Unë isha vërtet i zhgënjyer”.
Kujtojmë që në muajin gusht një fans i reperit publikoi në “TikTok” një video të fituesit të çmimit “Grammy”, teksa po performonte dhe në një moment ai harroi tekstin e këngës “So Anxious” të vitit 1999, të cilën ai e këndoi me ritmin e hitit të tij “Legend”.
