Diola Dosti dhe Nita Latifi krijuan një raport të ngushtë në shtëpinë e ‘Big Brother VIP’ e u duk se miqësia e tyre ishte shumë e forte.
Por, pas spektaklit, ato nuk u shfaqën më bashkë teksa para pak kohësh u hoqën edhe nga rrjetet sociale.
Mbrëmjen e djeshme, e ftuar në programin “Natën me Aulonën”, Diola ka folur për herë të parë rreth miqësisë së tyre duke u shprehur se nuk janë më shoqe.
Shkak për këtë, sipas Diolës, u bë ftohtësia dhe indiferenca e Nitës, duke shtuar se i gjithë përkushtimi dhe investimi që i dha shoqërisë së tyre brenda BBV, nuk ju kthye njësoj jashtë.
“Investimi emocional që unë dhashë aty brenda nuk u barazua jashtë. Pashë një energji totalisht ndryshe dhe pak e zhgënjyer dhe thashë: “E di çfarë, kur unë investohem dhe nuk marrë diçka mbrapa unë më mire të fus vizën.” I uroj më të mirat në jetë se është një vajzë shumë e mire.”-tha ajo.
