Jason Derulo është paditur nga një këngëtare aspirante, Emaza Gibson pasi ajo pretendon se artsiti ka nënshkruar një kontratë me të vetëm për të kryer marrëdhënie s*ksuale.
Gjatë një interviste për “NBC”, ajo tha se këngëtari e ka ngacmuar seksualisht.
“Kam ankth. Jam e traumatizuar. Jam përballur me situata ç’njerëzore të punës… Jam në këtë pikë ku jam kthyer në zero dhe nuk kam asgjë”– tha Gibson.
Në padinë e siguruar nga Page Six, thuhet se 34-vjeçari bëri disa veprime të padëshiruara pasi ata filluan të punonin së bashku.
Këngëtarja pretendon në padi se Derulo e ftonte shpesh për të pirë gjatë qëndrimit të saj me të, por i refuzonte në mënyrë që “të mbante marrëdhënien e tyre profesionale”.
Meqenëse ajo nuk pranonte daljet ku do të servirej pije alkoolike, Gibson pretendon se këngëtari i ”Swalla” filloi të sillte alkool në studio.
Dyshohet se ajo u takua me artistin në gusht të viti 2021, ndërsa e entuziazmuar për të filluar karrierën e saj solo, Gibson nënshkroi marrëveshjen menjëherë.
