Emina Cunmulaj është një personazh që shpesh herë reagon në rrjetet e saj sociale, lidhur me kauzat të shumta.
Së fundmi, Emina ka bërë posime të njëpasnjëshme lidhur me luftën mes Izraelit dhe Gaza, që deri tani numëron 830 të vdekur dhe 4250 persona të plagosur në Gaza.
Ditën e djeshme, modelja me famë botërore ka treguar se ka vendosur të shkëputet nga rrjetet sociale për shkak të asaj që po përjeton teksa sheh ngjarjet e tmerrshme të luftës.
Përmes një postimi të bërë në profilin e saj të Instagramit, Emina ka treguar se po vriten njerëz të pafajshëm.
“Kam nevojë për një shkëputje nga rrjetet sociale. Mjaft më. Njerëzit po vdesin dhe shumë njerëz të pafajshëm. Të lutem Zot, ndihmoje njerëzimin”, shkruan Emina në postimin e saj në Instastory.
Që prej ditës së djeshme, në profilin e saj, Emina nuk ka qënë më aktive.
Kujtojmë që modelja e njohur shqiptare Emina Çunmulaj, ka qenë anëtare e jurisë në kompeticionin e bukurisë në Amerikë “Miss USA 2023”, që u mbajt në në Grand Sierra Resort në Reno, Nevada.
