Ish-missi i Uruguait Sherika de Armas vdiq në moshën 26-vjeçare. Lajmi për vdekjen e të resë u bë i ditur më 13 tetor dhe vëllai i saj Mayk de Armas e konfirmoi lajmin e hidhur në rrjetet sociale. Sherika de Armas u diagnostikua me kancer në qafën e mitrës.
Sherika De Armas përfaqësoi Uruguain në konkursin Miss Bota 2015. Ish-konkurrentja e Miss World-it, Sherika De Armas, vdiq në moshën 26-vjeçare
Mediat lokale raportuan se ajo vdiq javën e kaluar pas një beteje dyvjeçare me kancerin e qafës së mitrës. Miqtë dhe të afërmit e shkatërruar nga vdekja e saj i kanë dërguar ngushëllimet familjes së saj përmes rrjeteve sociale. “Fluturo lart, motër e vogël. Gjithmonë dhe përgjithmonë”, shkruan vëllai i saj në rrjetet sociale.
Ngushëllime ka shprehur edhe Miss Uruguai aktual, Carla Romero. “Ajo ishte një nga femrat më të bukura që kam takuar ndonjëherë në jetën time”. De Armas nuk hyri në top 30 në konkursin Miss World 2015 në Sanya, Kinë, por ishte një nga gjashtë 18-vjeçarët që konkurruan.
Në atë kohë, një agjenci e lavdëroi atë për “fytyrën e saj të bukur, trupin dhe personalitetin karizmatik”, ndërsa e quajti atë “një nga talentet e reja dhe premtuese të Uruguait”.
