Artistja e njohur Pink ka zbuluar se një infeksion në rrugët e frymëmarrjes e ka bërë atë të anulojë më shumë shfaqje në turneun e saj Trustfall. Në lidhje me këtë situatë në një deklaratë të dhënë së fundmi ajo është shprehur se:
Më vjen shumë keq të ndaj lajmin që kam një infeksion në rrugët e frymëmarrjes dhe mjeku im më ka këshilluar që nuk jam në gjendje të performoj në shfaqjet e Vankuverit të premten dhe të shtunën.
Ajo shtoi më tej se:
Live Nation po punon për data të reja për të riplanifikuar shfaqjet. Mezi pres të performoj në Vankuver dhe të bëj një shfaqje të jashtëzakonshme për të gjithë. Ndërkohë, ju uroj të gjithëve shëndet dhe ju dërgoj shumë dashuri.
Pink filloi turneun e saj Trustfall në SHBA më 12 tetor. Ajo u detyrua të anulonte shfaqjen e saj në Arlington, Teksas më 29 shtator për shkak të një “infeksioni të keq të sinusit”.
“Jam shumë e zhgënjyer. Ju e dini që unë bëj gjithçka në fuqinë time për të mos humbur kurrë një shfaqje”, shkroi ajo në Instagram në atë kohë. “Shpresoj t’ju shoh dhe përsëri, më vjen shumë keq për çdo shqetësim që kam shkaktuar,” shtoi ajo.
